Hafa Samband
Opnunartímar móttöku
-
Mánudaga
9-16
-
Þriðjudaga
9-16
-
Miðvikudaga
9-16
-
Fimmtudaga
11-16
-
Föstudaga
9-16
-
Helgar
Lokað
Fimmtudaginn 8. janúar kl. 12, mun Hildur Fjóla Antonsdóttir, doktorsnemi í réttarfélagsfræði við háskólann í Lundi, flytja fyrirlestur á Stígamótum sem ber titilinn: Viðhorf fagaðila til meðferðar nauðgunarmála innan réttarvörslukerfisins og tillögur að úrbótum.
Í kynningunni verður fjallað um niðurstöður rannsóknar um viðhorf og reynslu fagaðila innan réttarvörslukerfisins til meðferðar nauðgunarmála og hvort, og þá hvernig, breytinga sé þörf. Niðurstöður byggja á viðtölum við 26 fagaðila: Sérfræðinga á sviði heilbrigðis- og félagsmála sem eiga það sameiginlegt að gefa álit fyrir dómi, rannsóknarlögreglumenn, réttargæslumenn, verjendur, ákærendur og dómara. Fjallað verður um viðhorf viðmælenda til eftirfarandi þátta: Einkenni nauðgunarmála í samanburði við aðra brotaflokka; gæði og framkvæmd rannsókna, saksóknar, varnar og réttargæslu; sönnunarstöðu og sönnunarmat; dómaframkvæmd og dómaþróun; löggjöf; þjálfun og sérþekkingu ólíkra faghópa; opinbera umræðu; hvort og hvernig standa megi betur að meðferð málanna.
Rannsóknin var unnin hjá EDDU – öndvegissetri við Háskóla Íslands, í samstarfi við innanríkisráðuneytið, og var styrkt af Mannréttindasjóði innanríkisráðuneytisins og Jafnréttissjóði forsætisráðuneytisins.
Verið öll hjartanlega velkomið og við minnum á að við búum nú á Laugavegi 170 2. hæð.
Ef þú hefur einhverjar spurningar ekki hika við að senda okkur línu.
Það er aldrei of seint. Pantaðu tíma núna.