Verkefnisstýra í vændisathvarfið er komin til starfa og Karen Linda er komin úr barneignarfríi26. maí 2011

 Á Stígamótum hefur heldur betur bæst við starfsliðið.  Karen okkar Linda er komin galvösk úr barneiganarfríi og við bjóðum hana velkomna til baka.  Það er líka mikill fengur í því að geta boðið velkomna til starfa Steinunni Gyðu- og Guðjónsdóttur.  Hún er  verkefnisstýran okkar í vændisathvarfinu sem er í hönnun!  Karen Linda er með sálfræðigrunnmenntun og framhaldsnám í para- og fjölskylduráðgjöf. 

Steinunn er mannfræðingur með kynjafræði sem sérgrein.  Hún var framkvæmdastýra Unifem á Íslandi þar til fyrir einu ári síðan.  Þá tók hún að sér verkefnasstjórn fyrir Unifem í Japan og við lokkuðum hana svo heim aftur.  Þær fimm gömlu sem fyrir voru eru himinsælar með fjölgunina.  Saman erum við staðráðnar í að taka hressilega til í íslensku samfélagi.