Að skilja áhrif áfalla á hegðun, minni og heilsu

Að skilja áhrif áfalla á hegðun, minni og heilsu er ómissandi viðburður fyrir fagaðila sem vinna með þolendum ofbeldis og annarra áfalla, móta verklag og viðbrögð fagfólks. Heimsþekkti taugasálfræðingurinn Dr. Rebecca Campbell útskýrir taugalíffræði áfalla og beinir sjónum að því hvernig þekking á hegðun í kjölfar áfalla geta stórbætt viðbrögð fagfólks og stofnana við kynferðisofbeldi og öðrum áföllum. Dr. Rebecca Campbell hefur í áratugi rannsakað hvernig ofbeldi og önnur áföll hefur áhrif á heilann, minni og hegðun og er einn fremsti sérfræðingur heims á þessu sviði. Hún hefur leitt rannsóknir sem hafa gjörbylt verklagi og hjálpað stofnunum og löggæslu sem hafa brugðist skjólstæðingum sínum að breyta vinnulagi. Á viðburðinum mun Dr. Rebecca Campbell deila reynslu sinni af sannreyndum aðferðum sem byggja á rannsóknum og fjalla um hvernig við brúum bilið milli vísindalegrar þekkingar og daglegra starfa til að tryggja að kerfi styðji betur við þolendur og brotaþola.