Stígamót veitir ráðgjöf á Ísafirði – RÚV4. október 2016

Í vetur bjóða Stígamót uppá ráðgjöf á Ísafirði hálfsmánaðarlega líkt og á Egilsstöðum og leysa þannig af hólmi systursamtök sín, Sólstafi, sem veitt hafa brotaþolum kynferðisofbeldis viðtöl og ráðgjöf á norðanverðum Vestfjörðum.

Ráðgjöfin er hluti af verkefni sem heitir Stígamót á staðinn og hefur það að markmiði að gefa fólki á landsbyggðinni kost á því að nýta sér þjónustu Stígamóta í sinni heimabyggð. Ráðgjöfin á Ísafirði er tilraunaverkefni.