Starfskraftur með þekkingu á málefnum fatlaðs fólks óskast6. mars 2017

Stígamót óska eftir starfskrafti til að sinna þróunarverkefni um málefni fatlaðs fólks.

Helstu verkefni:

• Þróa áfram þjónustu Stígamóta við fatlað fólk og auka sýnileika hennar
• Efla tengsl við hagsmunasamtök fatlaðs fólks og faghópa sem vinna með fötluðu fólki
• Fræðsla um kynferðisofbeldi og þjónustu Stígamóta
• Viðtalsráðgjöf fyrir fólk sem beitt hefur verið kynferðisofbeldi

Hæfni:

• Háskólanám sem nýtist í starfi, t.d. í þroskaþjálfafræði, fötlunarfræði, félagsráðgjöf, sálfræði, kynjafræði eða öðrum skyldum greinum
• Þekking og reynsla af vinnu með kynbundið ofbeldi er kostur
• Reynsla af kynningar- og fræðslustarfi er kostur
• Reynsla af ráðgjöf er kostur
• Frumkvæði, sjálfsstæð vinnubrögð og góðir samstarfs- og samskiptahæfileikar

Gert er ráð fyrir að verkefnið sé til 9 mánaða með möguleika á framtíðarstarfi ef vel tekst til. Hlutastarf kemur einnig til greina. Starfsemi Stígamóta er krefjandi, gefandi og fjölbreytt grasrótarstarf sem byggir á femínískri sýn á samfélagið. Fólk með fötlun er hvatt til þess að sækja um starfið. 

Umsóknir sendist til Steinunnar Gyðu- og Guðjónsdóttur á netfangið [email protected] fyrir 20. mars. Öllum umsóknum verður svarað.