SjúktSpjall tryggt næstu þrjú árin20. nóvember 2025

Í morgun undirrituðu Dómsmálaráðherra og talskona Stígamóta samning til þriggja ára til að halda úti nafnlausu netspjalli ungmenna – Sjúktspjall.

Þetta er í fyrsta sinn sem spjallið er fjármagnað til meira en eins árs í senn en það hefur verið starfrækt í þrjú og hálft ár og fyrir löngu búið að sanna gildi sitt. Þar geta ungmenni spurt allra hugsanlegu spurninga um mörk, samþykki, samskipti og hvað sem þeim dettur í hug án þess að það sé undir nafni. Á hinum enda línunnar er ráðgjafi af holdi og blóði sem hlustar, styður og veitir ráð. Algengt er að fyrsta spurning ungmennanna sé einmitt hvort það sé raunveruleg manneskja á hinum enda spjallsins.

Algengustu samtölin á spjallinu er ungar konu (meðalaldur 16 ára) sem hafa orðið fyrir ofbeldi og vantar aðstoð.

Spjallið er hluti af verkefninu Sjúkást sem er forvarnarverkefni Stígamóta. Það má nálgast hér: https://sjukast.is/sjuktspjall/

Spjallið er opið:

Mánudaga kl. 20:00 – 22:00
Þriðjudaga kl. 20:00 – 22:00
Miðvikudaga kl. 20:00 – 22:00