Hafa Samband
Opnunartímar móttöku
-
Mánudaga
9-16
-
Þriðjudaga
9-16
-
Miðvikudaga
9-16
-
Fimmtudaga
11-16
-
Föstudaga
9-16
-
Helgar
Lokað
Helga Baldvins- og Bjargardóttir, starfskona Stígamóta sem sér um fræðslu og ráðgjöf fyrir fatlaða brotaþola fór til Vínar í síðustu viku á ráðstefnu um ofbeldi gagnvart fötluðum konum. Þar voru kynntar niðurstöður Daphne rannsóknar um málefnið sem náði til fjögurra landa.
Helga Baldvins- og Bjargardóttir, starfskona Stígamóta sem sér um fræðslu og ráðgjöf fyrir fatlaða brotaþola fór til Vínar í síðustu viku á ráðstefnu um ofbeldi gagnvart fötluðum konum. Þar voru kynntar niðurstöður Daphne rannsóknar um málefnið sem náði til fjögurra landa, Íslands, Austurríkis, Bretlands og Þýskalands.
Í Bretlandi eru fatlaðar konur af öðru þjóðerni oft þvingaðar í hjónabönd og fá ekki stuðning á grundvelli þess að stuðningsúrræði líta á þetta sem "menningarmun" sem þau vilja ekki skipta sér af. Þá er vaxandi vandamál að karlmenn af erlendum uppruna með óljóst dvalarleyfi herja á fatlaðar konur til með hjónaband í huga til að tryggja sér landvistarleyfi. Fulltrúi Bretlands sagði einnig að mikið af óútskýrðum dauðsföllum fatlaðs fólks ætti rætur að rekja til ofbeldis.
Frá Austurríki var bent á hversu algengt var að fatlaðar konur hefði orðið fyrir kynferðislegu ofbeldi í æsku. Frá Íslandi var lögð áhersla á stofnana og menningarbundið ofbeldi. T.d hvernig uppbygging þjónustu og stuðningsúrræða með aðgreiningu frá samfélaginu eykur hættuna á ofbeldi og hvernig fordómar í hversdagslífinu draga markvisst úr sjálfstæði og lífsgæðum fatlaðra kvenna.
Ef þú hefur einhverjar spurningar ekki hika við að senda okkur línu.
Það er aldrei of seint. Pantaðu tíma núna.