Öflugt fræðslu og fjáröflunarátak Stígamóta er hafið!10. nóvember 2016

Á Stígamótum vorum við að hefja öflugt fræðslu og fjáröflunarátak sem mun ná hámarki með þriggja tíma opinni fjáröflunardagskrá á Stöð 2 þann 18 nóvember. Síðastliðinn laugardag var framinn listgjörningur á Lækjartorgi fyrir framan Héraðsdóm Reykjavíkur. Það voru þær Erna Ómarsdóttir listdansstjóri Íslenska dansflokksins og Ásrún Magnúsdóttir listdansari sem í samvinnu við Stígamótafólk hönnuðu atburðarásina.

Halla Kristín Einarsdóttir ásamt fjórum sá um að festa á filmu.  Í átakinu verður Stígamótafólk í forgrunni og mun segja brot úr sögunum sínum og hvernig þau nýttu sér aðstoð Stígamóta. Fylgist með og ekki missa af þættinum okkar í opinni dagskrá á Stöð 2 föstudagskvöldið 18. nóvember.