Morgunverðarfundur: Karlar á Stígamótum8. desember 2015

Hallgrímur  Helgason ræðir nýja bók sína Sjóveikur í Munchen og Hjálmar Gunnar  Sigmarsson ráðgjafi á Stígamótum segir frá þjónustu okkar við karla. Fundurinn fer fram fimmtudaginn 10. desember.  kl. 8.30 – 10.00 á Laugavegi 170 2. hæð.

Á Stígamótum eru karlar velkomnir og við notum hvert tækifæri  til þess að koma því að. Hjálmar G. Sigmarsson mun flytja stutt innlegg um þjónustu okkar við karla. En gestur  okkar á fimmtudagsmorgun verður Hallgrímur Helgason rithöfundur.  Í nýju bókinni sinni segir  hann m.a. frá kynferðisofbeldi og vonandi spinnast uppbyggilegar umræður í framhaldinu. 

Fyrirlestraröð Stígamóta um margbreytileika og forréttindi

Á haustmisseri bjóða Stígamót upp á morgunverðarfyrirlestra um margbreytileika  og forréttindi.  Við höfum alltaf verið meðvituð um að heimurinn er ekki svarthvítur.  Þó að kyn hafa mikil áhrif á það hver okkar eru í mestri hættu á að vera beitt ofbeldi, þá spila margar aðrar breytur stór hlutverk líka.   

Tilgangur þessarar fyrirlestrarraðar er að skoða hvernig ólíkur bakgrunnur ýmissa hópa hefur áhrif á forréttindi, fordóma og mismunun. Sérstök áhersla verður á ofbeldi og aðgang að þjónustu til að vinna úr afleiðingum þess.

Verið öll velkomin, við bjóðum upp á kaffi og brauð og það er frítt inn!