Karl óskast til starfa á Stígamótum18. febrúar 2014

Óskað er eftir karli með áhuga og þekkingu á kynbundnu ofbeldi. Um er að ræða fullt starf í eins árs tilraunaverkefni með möguleikum á framhaldi.  Starfið mun felast í ráðgjöf, starfrækslu sjálfshjálparhópa og fræðslu til þess að undirstrika enn frekar áherslu Stígamóta á ofbeldi gegn drengjum og körlum. 

Starfsemi Stígamóta er krefjandi, gefandi og fjölbreytt grasrótarstarf sem byggir á kynjaðri sýn á samfélagið.  Samábyrgð, frumkvæði og traust eru forsendur farsæls starfs með vandasöm mál. Í starfshópnum ríkir bæði áhugi og starfsgleði sem mikilvægt er að varðveita. Viðkomandi verður að hafa góða samskipta-  og samstarfshæfileika. 

Nám í félagsráðgjöf, sálfræði, lögfræði, kynjafræði, eða skyldum fræðum er jafnframt eftirsóknarvert. 

Við hvetjum alla karla með áhuga á starfsemi Stígamóta til að sækja um.

Umsóknir sendist til Stígamóta, Hverfisgötu 115, 105 R. fyrir 15. mars,  merktar ”Starfsumsókn”  Öllum umsóknum verður svarað.