Götukynningar hafnar19. júní 2018

Þessar hressu stelpur eru hluti af götukynnateymi sumarsins – endilega takið vel á móti þeim ef þær banka upp á! Þær eru að ganga í hús og bjóða fólki að styðja mánaðarlega við starf Stígamóta. Hér á Stígamótum höfum við sett fullan kraft í að reyna að mæta þeirri miklu aukningu sem hefur orðið í aðsókn. Fjöldi nýrra einstaklinga sem leitaði til okkar á síðasta ári jókst um 30% og aðsóknin hefur ekki minnkað það sem af er þessu ári. Mánaðarlegir styrktaraðilar gera okkur kleift að bæta við starfskröftum til að taka á móti þessum mikla fjölda. Við vonum að þú gangir í liðið og hjálpir okkur í baráttunni gegn kynferðisofbeldi!