Eftirmiðdagskaffi Stígamóta4. september 2014

Mánudaginn 25. ágúst var öllum þingmönnum og borgarfulltrúum boðið í eftirmiðdagskaffi til Stígamóta. Boðið var upp á kaffi og sparibakkelsi og lagðar voru fram átta tillögur um mikilvæg málefni sem sinna þarf til þess að bæta stöðuna í ofbeldismálum. Fundurinn var vel sóttur, áhugi mikill og umræður málefnalegar. Margir þeirra sem ekki komust, óskuðu eftir að fá að heimsækja okkur í annan tíma. Stígamótafólk er sannfært um að þessi eftirmiðdagur hafi verið vel til þess fallinn að þoka málum í rétta átt.