Áfellisdómur yfir stöðu mansalsmála á Íslandi23. september 2014

Gefin hefur verið út skýrsla af eftirlitsnefnd Evrópuráðsins GRETA nefndinni um aðgerðir gegn mansali á Íslandi. Skýrslan er áfellisdómur yfir aðgerðum íslenskra stjórnvalda gegn mansali. Nefndin heimsótti Ísland í fyrra og talaði við þá aðila sem koma að mansalsmálum. Þau eimsóttu meðal annars Kristínarhús.

SKRUNAÐU

Gefin hefur verið út skýrsla af eftirlitsnefnd Evrópuráðsins GRETA nefndinni um aðgerðir gegn mansali á Íslandi. Skýrslan er áfellisdómur yfir aðgerðum íslenskra stjórnvalda gegn mansali. Nefndin heimsótti Ísland í fyrra og talaði við þá aðila sem koma að mansalsmálum. Þau eimsóttu meðal annars Kristínarhús.

Niðurstaðan er sú að Ísland þarf að gera heljarátak til þess að uppfylla skuldbindingar sínar samkvæmt sáttmála Evrópuráðsins. Bent er á að enn hefur aðeins eitt mansalsmál leitt til dóms á Íslandi. Eins og Stígamót hafa hamrað á við alla hlutaðeigandi, þá vantar formlegt kerfi sem skilgreinir hlutverk og verkferla allra þeirra sem að mansalsmálum koma.

GRETA beinir því til íslenskra stjórnvalda að bæta aðferðir við að finna fórnarlömb mansals, m.a. á meðal hælisleitenda, farandverkafólks og barna sem gætu hafa verið seld mansali.

Það sé af hinu góða að hér hafi verið skilgreindur 6 mánaða umþóttunartími og dvalarleyfi vegna persónulegra ástæða, en skýra verður hvernig fólk á að geta nýtt þessi réttindi.

Íslenskum stjórnvöldum er bent á að meira þurfi til þess að tryggja að mansalsmál séu rannsökuð og að ákært sé í þeim. Það megi m.a. gera með því að bæta þekkingu og sérhæfingu rannsakanda, ákæranda og dómara.

Sú vinna, umræða og athygli um mansal sem fram fór á Íslandi og á alþjóðavettvangi undanfarin ár hefur því miður þagnað. Það er óviðunandi. Augu heimsins eru á okkur og við þurfum að bregðast við.

Hér er slóðin á skýrsluna í heild: http://www.coe.int/t/dghl/monitoring/trafficking/Docs/Profiles/ICELANDProfile_en.asp#TopOfPage

Fleiri greinar

Hafa samband

Netspjall Stígamóta

Hér getur þú spjallað við ráðgjafa hjá Stígamótum.

Senda fyrirspurn

Ef þú hefur einhverjar spurningar ekki hika við að senda okkur línu.

Panta tíma

Það er aldrei of seint. Pantaðu tíma núna.

Hafa Samband möguleikar Stígamót