Lokað 24. október 2023 – Kvennaverkfall23. október 2023

Hinn þráláti launamunur kynjanna og kynbundið ofbeldi eru tvær hliðar á sama peningnum – nefninlega undirokun kvenna. Konur lifa í ótta um að verða fyrir ofbeldi af hendi karla alla ævi og um fjórðungur kvenna verður fyrir kynbundnu ofbeldi – yfirleitt af hendi maka eða annars nákomins. Að lifa í þessum ótta, læra það á unglingsárum hvernig eigi að ”passa sig” á körlum og verða yfirkomnar af skömm ef einhver brýtur á þér hlýtur að lita öll samskitpi kynjanna og samfélagið allt. Það hlýtur að lita sjálfsmat kvenna, hvort konur treysta sér inn á karlavettvang og jafnvel að taka slagi við karla í hinu opinbera rými. Allt þetta hefur áhrif.