Hinsegin fólk á Stígamótum – morgunverðarfundur23. nóvember 2015

Komið er að þriðja fundinum í morgunverðarfundarröð Stígamóta um fjölbreytileika og forréttindi!

Fimmtudagur, 26. nóvember kl. 8:30-10:00 á Stígamótum, Laugavegi 170, 2. hæð.

Sigríður Birna Valsdóttir leiklistar- og fjölskyldumeðferðarfræðingur og ráðgjafi hjá Samtökunum ´78 ræðir "Hinseginmeðvitund í ráðgjafarstarfi". Frá Trans Íslandi kemur Ugla Stefanía Jónsdóttir.

Á haustmisseri hafa Stígamót boðið upp á morgunverðarfyrirlestra um margbreytileika og forréttindi. Við höfum alltaf verið meðvituð um að heimurinn er ekki svarthvítur. Þó að kyn hafi mikil áhrif á það hver okkar eru í mestri hættu á að vera beitt ofbeldi, þá spila margar aðrar breytur stór hlutverk líka. 

Tilgangur þessarar fyrirlestrarraðar er að skoða hvernig ólíkur bakgrunnur ýmissa hópa hefur áhrif á forréttindi, fordóma og mismunun. Sérstök áhersla verður á ofbeldi og aðgang að þjónustu til að vinna úr afleiðingum þess. 

Verið öll velkomin, við bjóðum upp á kaffi og brauð og það er frítt inn!