Stígamót - Grasrótarhreyfing gegn kynferðisofbeldi

Það er ekki að spyrja að rausnarskap og samfélagslegri ábyrgð Zontakvenna. Í gegnum tíðina hafa Zontakonur oft styrkt starfsemi Stígamóta. Tvisvar sinnum voru það landssamtökin sem seldu rósanælur til styrktar starfseminni, en einnig hafa einstakir klúbbar styrkt starfið á ólíka vegu.  Á dögunum færðu þær Ólöf Kolbrún Harðardóttir formaður, Guðrún Halla Gunnarsdóttir varaformaður og Guðríður Einarsdóttir gjaldkeri frá Zontaklúbbi Reykjavíku, Stígamótum kr. 500.000 kr..  Þær óskuðu sérstaklega eftir því að helmingurinn af upphæðinni myndi nýtast Kristínarhúsi, búsetuúrræði Stígamóta.  Zontakonum eru færðar innilegar þakkir fyrir stuðninginn.

Ágætu vinkonur og velunnarar Stígamóta! Núna á fimmtudag þann 8. mars nk veru 22 ár liðin frá því Stígamót voru opnuð.  Þann dag munum við að vanda boða til blaðamannafundar og kynna ársskýrslu okkar. Þann dag opnum við líka nýja listasýningu í húsinu og höfum opið hús frá kl. 15-18.  Verið öll hjartanlega velkomin.  Starfskonur Stígamóta

Starfshópur Stígamóta telur nú 8 konur.  Þær Guðný Halldórsdóttir félagsráðgjafi og Þóra Björt Einarsóttir náms- og starfsráðgjafi bættust nýlega í hópinn og eru boðnar velkomnar til starfa.  Starfshópurinn allur er nýkominn úr vinnuferð utan höfuðborgarinnar þar sem lagst var í hugmyndavinnu og framtíðin var kortlögð.  Mikið að gera í Kristínarhúsi og starfsemin að taka á sig mynd.  Þjónustan við heimiliskonur að aukast og þróast.  Húsið hefur sannað tilverurétt sinn og sjálfboðaliðar frábær hópur kraftmikilla kvenna.  Hópar að fara af stað og starfið á Austurlandi verður endurvakið í lok mánaðarins.  Stígamót á Suðurlandi alveg á næstunni.  Ársskýrslan í smíðum og tölfræðin mjög athyglisverð.  Tvö erindi verða haldin á Heimsráðstefnu kvennaathvarfa í Washington í lok mánaðarins og  frumsýnd verður heimildamynd um Norrænar konur gegn ofbeldi.  Ýmislegt fleira í farvatninu....