Fundaröð um snertilaust ofbeldi í haust16. júní 2016

Í haust ætla Stígamót að leggja áherslu á kynferðisofbeldi sem oft reynist erfitt að ná utan um en getur haft miklar afleiðingar fyrir þann sem verður fyrir því. Við köllum þetta snertilaust ofbeldi og erum þá að vísa í kynferðislega áreitni, ofsóknir eltihrella (e. stalking) og svo stafrænt kynferðisofbeldi eða hrelliklám.

Ætlunin er að fjalla um þessar birtingarmyndir ofbeldis, áhrif þeirra á brotaþola, hvernig réttarkerfið er í stakk búið til að taka á þessum málum og hvernig við getum gert samfélagið okkar betra hvað þetta varðar.

Þeir sem hafa áhuga á að vera með eða taka þátt í þessari fundaröð mega setja sig í samband við Helgu á [email protected]