Stígamót - Grasrótarhreyfing gegn kynferðisofbeldi

Kvennafrídagurinn 19. júní var haldinn

hátíðlegur í Ráðhúsi Reykjavíkur þar

sem hátt í 200 konur komu til að fagna

kvenréttindadeginum. Vinningstillögur í

hönunarsamkeppni Skottanna og

Hönnunarmiðstöðvarinnar voru kynntar.

Merkið á að selja til styrktar kynbundnu

ofbeldi og mansali og átti að höfða bæði

til karla og kvenna.

Einnig var kvennafrídagurinn opinberlega kynntur og hvenær konur ætla að ganga út frá störfum sínum, nýjustu tölur sýna að konur hafa 65.65% af heildar launatekjum karla og geta því með góðri samvisku lagt niður störf kl. 14.25 þann 25. október næst komandi.

Frú Vigdís Finnbogadóttir verður verndari dagsins.

Alls bárust 24 tillögur af barmmerki í hönnunarsamkeppnina. Sigurvegarar hönnunarsamkeppninar eru Hrafnhildur A. Jónsdóttir og Tinna Brá Baldvinsdóttir frá Akureyri.

Þær tóku fram að innblásturinn er sóttur í þrívíddargleraugu. Aðeins með þrívíddargleraugum er hægt að sjá raunveruleikann óbrenglaðan. Nælan á því að minna fólk á að horfast í augu við raunveruleikann og sjá hlutina í réttu samhengi. Lituðu glerin, blá og rauð, minna okkur á að mansal og kynbundið ofbeldi er sameiginlegt vandamál kynjanna. Einnig var veitt viðurkenning fyrir fallegt merki en hana hlutu Anna Valgerður Jónsdóttir og Helga Ósk Einarsdóttir en þær sendu inn skott af fyrirmynd skotthúfu.

Sýnishorn af verlaunatilllögu

Einnig var kynning á Skottunum sem eru regnhlífasamtök kvenna sem halda utan um kvennafrídaginn 24. - 25. október. Vigdís Finbogadóttir verndari dagsins hélt erindi. Í ár ætla konur að gera tvennt:

Annars vegar að beina sjónum á kynferðislegt ofbeldi og halda alþjóðlega ráðstefnu sunnudaginn 24. Október undir yfirskriftinni: Konur gegn kynbundnu ofbeldi/Women Strike Back 2010.

Hins vegar munu konur leggja niður störf að loknum sanngjörnum vinnudegi mánudaginn 25. Október kl. 14.25 þegar þær hafa unnið 65.65% af vinnudeginum. Í Reykjavík verður stór útifundur á Arnarhóli þar sem ræðumenn munu vekja athygli á kynbundnu ofbeldi.

Konur víðs vegar að úr heiminum hafa boðað komu sína til Íslands dagana 24-25 október.

Bryndís Bjarnarson

Verkefnistýra kvennafrídagsins 2010

s. 8918206